QUL

ہم نے دوزخ کے یہ کارکن فرشتے بنائے ہیں،¹ اور ان کی تعداد کو کافروں کے لیے فتنہ بنا دیا ہے،² تاکہ اہلِ کتاب کو یقین آجائے³ اور ایمان لانے والوں کا ایمان بڑھے،⁴ اور اہلِ کتاب اور مومنین کسی شک میں نہ رہیں، اور دل کے بیمار⁵ اور کفّار یہ کہیں کہ بھلا اللہ کا اِس عجیب بات سے کیا مطلب ہوسکتا ہے۔⁶ اِس طرح اللہ جسے چاہتا ہے گمراہ کر دیتا ہے اور جسے چاہتا ہے ہدایت بخش دیتا ہے۔⁷ اور تیرے ربّ کے لشکروں کو خود اُس کے سوا کوئی نہیں جانتا⁸۔۔۔۔ اور اس دوزخ کا ذکر اِس کے سوا کسی غرض کے لیےنہیں کیا گیا کہ لوگوں کو اس سے نصیحت ہو۔⁹

ہم نے دوزخ کے داروغے صرف فرشتے رکھے ہیں۔ اور ہم نے ان کی تعداد صرف کافروں کی آزمائش کے لیے مقرر کی ہے¹ تاکہ اہل کتاب یقین کرلیں²، اوراہل ایمان کے ایمان میں اضافہ ہو جائے³ اور اہل کتاب اور اہل ایمان شک نہ کریں اور جن کے دلوں میں بیماری ہے وه اور کافر کہیں کہ اس بیان سے اللہ تعالیٰ کی کیا مراد ہے⁴؟ اسی طرح اللہ تعالیٰ جسے چاہتا ہے گمراه کرتا ہے اور جسے چاہتا ہے ہدایت دیتا ہے⁵۔ تیرے رب کے لشکروں کو اس کے سوا کوئی نہیں جانتا⁶، یہ تو کل بنی آدم کے لیے سراسر پند ونصیحت ہے.⁷