Bas, azmu matonat sohibi bo`lgan Payg`ambarlar sabr qilgandek, sabr qil, ularga (azob yetishiga) shoshilma! Ular va'da qilingan narsani ko`rganlarida xuddi (bu dunyoda) kunduzdan bir lahzagina turganga o`xsharlar. Bu yetkazishdir! Bas, faqat fosiq qavmlargina halok qilinur, xolos!1
Footnotes
[1]
(Alloh taolo ushbu oyatda kofir, mushrik va dinsizlar doimo mo`min-musulmonlarga zulm qilib, ozor berib, tazyiq o`tkazib kelaganliklarini eslatmoqda. «Ulul azm», ya'ni sabr matonat sohibi bo`lgan payg`ambarlar — Nuh, Ibrohim, Muso, Iyso alayhissalomlardir (va Payg`ambarimiz ham ulardandir). Bu buyuk payg`ambarlarning har birlarining boshlariga iymon yo`lida, dinu diyonat yo`lida qanchadan-qancha kulfatlar yog`ilgan. Lekin ular sabr matonatda zarbulmasal bo`lganlar. Oyatda Qur'on, yetkazish, deb atalmoqda.)