ಇಹಲೋಕದ ಜೀವನವು ಕೇವಲ ಆಟ ಮತ್ತು ವಿನೋದವಾಗಿದೆ. ನೀವು ವಿಶ್ವಾಸವಿರಿಸಿದರೆ ಮತ್ತು (ಧರ್ಮನಿಷ್ಟರಾಗಿ ಅಲ್ಲಾಹನನ್ನು) ಭಯ ಪಟ್ಟರೆ ಅಲ್ಲಾಹನು ನಿಮಗೆ ನಿಮ್ಮ ಪ್ರತಿಫಲವನ್ನು ನೀಡುವನು. ಅವನು ನಿಮ್ಮಿಂದ ನಿಮ್ಮ ಸೊತ್ತುಗಳನ್ನು ಕೇಳಲಾರನು1.
Footnotes
[1]
‘ನಿಮ್ಮ ಸೊತ್ತುಗಳನ್ನು ಅವನು ಕೇಳುವುದಿಲ್ಲ’ ಎಂಬ ಮಾತಿಗೆ ಮೂರು ವಿಧ ಅರ್ಥ ಕಲ್ಪಿಸಬಹುದಾಗಿದೆ. 1. ನಿಮ್ಮ ಸೊತ್ತುಗಳನ್ನು ಧರ್ಮ ಕಾರ್ಯಕ್ಕೆ ವೆಚ್ಚ ಮಾಡುವಂತೆ ಅವನು ಹೇಳುತ್ತಿರುವುದು ಅವನಿಗೆ ಅದರ ಅಗತ್ಯ ಇರುವುದರಿಂದಲ್ಲ. ನಿಮ್ಮ ಹಿತಕ್ಕೇ ಆಗಿದೆ. ಈ ಅರ್ಥಕ್ಕೆ 38ನೇ ಆಯತ್‍ನಲ್ಲಿರುವ; “ಅಲ್ಲಾಹನು ಪರಾಶ್ರಯ ನಿರಪೇಕ್ಷನೂ ನೀವು ಪರಾಶ್ರಯಾಪೇಕ್ಷಕರೂ ಆಗಿರುವಿರಿ ಎಂಬ ಮಾತು ಹೊಂದಿಕೆಯಾಗುತ್ತದೆ. 2. “ನಿಮ್ಮ ಎಲ್ಲ ಸೊತ್ತುಗಳನ್ನು ವೆಚ್ಚ ಮಾಡಬೇಕೆಂದು ಅವನು ಆದೇಶಿಸುವುದಿಲ್ಲ. ನಿಮಗೆ ತೊಂದರೆಯಾಗದ ರೀತಿಯಲ್ಲಾಗಿದೆ ಅವನ ಆದೇಶ. 37ನೇ ಆಯತ್ ಈ ಅರ್ಥಕ್ಕೆ ಹೆಚ್ಚು ಹೊಂದಿಕೆಯಾಗುತ್ತದೆ. 3. ನಿಮ್ಮಲ್ಲಿ ವೆಚ್ಚ ಮಾಡಲು ಆದೇಶ ಕೊಡುತ್ತಿರುವುದು ನಿಮ್ಮ ಸೊತ್ತನ್ನಲ್ಲ, ನಿಜದಲ್ಲಿ ಅದು ನನ್ನ ಸೊತ್ತು. ನನ್ನ ಸೊತ್ತನ್ನೇ ವೆಚ್ಚ ಮಾಡುವಂತೆ ನಿಮ್ಮಲ್ಲಿ ಹೇಳುತ್ತಿದ್ದೇನೆ, ನಿಮ್ಮ ಅಂತರ್ಯದ ಪರೀಕ್ಷೆ ಇಲ್ಲಿಯ ಉದ್ದೇಶ.