[1]
ರಾದಿಫ್ ಅಂದರೆ ಬೆನ್ನಿಗೇ ಬರುವುದು ಎಂದರ್ಥ. ಇಲ್ಲಿನ ಉದ್ದೇಶ ಒಂದನೇ ಊದುವಿಕೆಯ ಬೆನ್ನಿಗೆ ಮೊಳಗುವ ಎರಡನೆಯ ಕಹಳೆ. ಆಗ ಎಲ್ಲಾ ಜೀವಿಗಳೂ ಮರುಜೀವ ತಾಳುತ್ತವೆ. ಎರಡು ಊದುಗಳ ಮಧ್ಯೆ ನಲವತ್ತು ವರ್ಷಗಳ ಬಿಡುವಿದ್ದು, ಆ ವೇಳೆ ಭೂಮಿಯಿಡೀ ಧಾರಾಕಾರವಾಗಿ ಮಳೆ ಸುರಿಯುವುದು. ನಶಿಸಿಹೋದ ಜೀವಜಾಲಗಳಿಗೆ ಮತ್ತೆ ಜೀವ ತುಂಬಲು ಈ ಮಳೆ ಸಹಾಯಕವಾಗುತ್ತದೆ. ಮೊದಲ ಬಾರಿಯ ಊದಿಗೆ ಸಂಪೂರ್ಣ ನಾಶವಾಗಿ ಹೋಗುವ ಭೂಮಿಯ ಸರ್ವತ್ರ ಜೀವಿಗಳನ್ನು ಎರಡನೇ ಊದಿನೊಂದಿಗೆ ಸಜೀವಗೊಳಿಸಿ ಅಂತಿಮ ವಿಚಾರಣೆಯ ಸಮ್ಮೇಳನಕ್ಕೆ ಸಜ್ಜುಗೊಳಿಸಲಾಗುವುದು (ತಫ್‍ಸೀರ್ ರಾಝಿ 31/35)