Bayanul Furqan(Koshur Quran)

۔یہِ چُھ سُہ چیز ییٚمِچ خۅ ش خبر اللہ تعالیٰ پننیٚن تِمن بند ن چُھ دِوان یِمو مو ن تہٕ یِمَو نیک عملہِ کرِ۔ اے نبی صلی اللہ علیہ وسلم ، یِمن لُکن ؤنِو زِ " بہٕ چُھس نہٕ یتھ کامہِ پٮ۪ٹھ تۅہیہِ نِشہِ کُنہِ اَجرُک طٲلب۔ البتہ چُھس قرابتُک محبت ضروٗر یژھان۔"﴿یتھ آیتس چِھ ترےٚ تفسیر کر نہٕ آمٕتۍ:﴿1﴾ بہٕ چھُس نہٕ یتھ کامہِ پٮ۪ٹھ تۅہیہِ نِشہِ کانٛہہ اجر طلب کران، مگر یہِ چُھس ضروٗر یژھان زِ توٚہۍ لُکھ ﴿ یعنی اہلِ قر یش ﴾ کٔرِ تو کم از کم تمہِ رشتہٕ دٲری ہُند لحا ظہٕ یوسہٕ مےٚ تہٕ تۅہیہِ در میان چھےٚ ۔ یہِ کُس ستم چُھ زِ سارِوٕے کھۅتہٕ زیادہ چِھو توٚہۍ میا نی دشمنی پٮ۪ٹھ بضِد"۔ ﴿2﴾ بہٕ چُھس نہٕ تۅہیہِ نِشہِ یتھ کامہِ پٮ۪ٹھ امہِ ورٲے کانٛہہ اَجر یژھان زِ تۅہیہِ منٛز گٔژھ اللہ تعالیٰ سٕنزِ نزدیکی ہٕنز چا ہت گژٕھنۍ پٲدٕ۔" ﴿3﴾ تر ییُم تفسیر یِمو مُفسر و کوٚر مُت چُھ تِمو منٛزٕ چِھ کینٛہہ اقا ر بَو نِشہِ تمام بنی عبد المطلب مراد نِوان ، تہٕ کینٛہہ چِھ اَتھ صرف حضرت علی رضی اللہ عنہ تہٕ حضر ت فا طمہ رضی اللہ عنہا تہٕ تِہِندٮ۪ن اولادن تام محدود تھاوان۔مگر واریاہ ہَو وجود ہا تَو کِنۍ چُھنہٕ یہِ تفسیر کُنہِ پٲٹھۍ تہِ قٲبل ۔اوّل ییٚمہِ وقتہٕ مکّہ معظمس منٛز سورۂ شوریٰ نٲزِل چُھ سپُد مُت ، تَمہِ ساعتہِٕ اوس نہٕ حضرت علی رضی اللہ عنہ تہٕ حضر ت فاطمہ رضی اللہ عنہا سُند خا ندرٕ ے سَپُد مُت ، اولاد سُند چُھنہٕ سوالٕے۔تہٕ بنی عبد المطلب منٛزٕ ٲسۍ نہٕ نبی صلی اللہ علیہ وسلمن اَند ہیٚتھ سٲری ساتھ دِوان، بلکہ ٲسۍ تِمو منٛزٕ کینٛہہ نَنہِ وانہِ دشمنن ہٕندۍ سٲتھی ، تہٕ ابو لہب سُند عداوت چُھ سورُے دُنیا زانان۔ دوم یہِ زِ ، نبی صلی اللہ علیہ وسلمن ہٕندۍ رشتہٕ دار ٲسۍ نہٕ صرف بنی عبد المطلب یٲتۍ۔حضور صلی اللہ علیہ وسلمن ہٕنزِ وٲلدٕ ہ سٕندِ کِنۍ ، وٲلد صٲبنہِ کِنۍ بیٚیہِ حضر ت خد یجہ رضی اللہ عنہا ﴿خاندارِنہِ ﴾ ہٕندِ کِنۍ ٲس تمام گھر ن منٛز حضور صلی اللہ علیہ وسلم ہٕنز رشتہٕ دٲری۔یِمن سارنٕے گھر ن منٛز ٲسۍ حضور صلی اللہ علیہ وسلمن ہٕندۍ بہتر ین حٲمی تہِ تہٕ بدتر ین دشمن تہِ ۔ تر ییِم کتھ یۅسہٕ یِمو سارِ وٕ یو کھۅتہٕ زیادہ اہم چھےٚ ، سۅ چھےٚ یہِ زِ اکھ نبی یتھ بلند مقا مس پٮ۪ٹھ کھڑا سپدِتھ دعوتِ اَلَی اللہ ہُک آلَو بُلند چُھ کران ،تمہِ مقا مہٕ پٮ۪ٹھہٕ اَتھ کارِ عظیمس پٮ۪ٹھ یہِ بدلہٕ منگُن زِ توٚہۍ کٔرِ و میا نیٚن رشتہٕ دارن سٍتۍ محبت،چھےٚ تیٖژاہ ؤسۍ پایہ، کتھ زِ کانٛہہ نیک خصلت تھاون وول انسان ہیٚکہِ نہٕ امِیُک تصوّرٕے کٔرِ تھ زِ خُداین آسہِ پننِس نبی صلی اللہ علیہ وسلمس یہِ کتھ ہیٚچھنٲو مٕژ تہٕ نبی صلی اللہ علیہ وسلمو آسہِ قر یش کیٚن لُکن منٛز کھڑا سپدِ تھ یہِ کتھ ؤنِمٕژ۔امہِ علا وہ چھےٚ یہِ کتھ وارَے زیادٕہ بے مو قع باسان ییٚلہِ أسۍ وُچھان چِھ زِ امہِ کلا مٕکۍ مخٲلف چِھنہٕ اہلِ ایمان کینٛہہ بلکہ چِھ کفّار ۔ہیرِ پٮ۪ٹھہٕ چُھ سورُے تقر یر یِمنٕے کُن کر نہٕ یِوان تہٕ برونٛہہ کُن تہِ چُھ رُوے سخن یِمنٕے کُن۔ اتھ سلسلۂ کلا مَس منٛز کتہِ چُھ مخٲلِفَو نِشہِ کُنہِ نو عیتُک بد لہٕ طلب کر نُک سوال گژھان پٲدٕ ۔ بد لہٕ چُھ تِمن لُکن یِوان منگنہٕ یِہنزن نظر ن منٛز تتھ کامہِ کانٛہہ قدر آسہِ یۅسہٕ کٲنٛسہِ شخصن تِہندِ خٲطرٕ آسہِ انجامِ دِژ مٕژ۔ ﴾ یُس کانٛہہ اَکھا ہ رٕژر کماوِ، أسۍ کر و تٔمۍ سٕندِ خٲطرٕ تتھ رٕ ژرس منٛز بہتر ی ہُند اضا فہٕ ۔ بے شک چُھ اللہ تعالیٰ سٮ۪ٹھاہ در گزر کر ن وول تہٕ قدر دان