[ مُهْطِعِينَ ] وه بهخێرایی ئهڕۆن بهرهو ساحهی مهحشهر [ مُقْنِعِي رُءُوسِهِمْ ] سهریان بهرز كردۆتهوهو تهماشای یهكتری ناكهن [ لَا يَرْتَدُّ إِلَيْهِمْ طَرْفُهُمْ ] وه چاویان بۆ لایان ناگهڕێتهوه ههر سهیری پێش خۆیان ئهكهن و نایتروكێنن له ترسى ئهو سزایانهى كه توشیان دهبێت [ وَأَفْئِدَتُهُمْ هَوَاءٌ (٤٣) ] وه دڵیشیان خاڵییهو هیچ شتێكی تیا نهماوهو وێرانه لهبهر سهختی ئهو دیمهنانهی كه ئهیبینن، یاخود شوێنى دڵیان خاڵیه چونكه له ترسا دڵیان دهرچووه لاى گهروویانه.