[ ثُمَّ لْيَقْضُوا تَفَثَهُمْ ] پاشان دوای ئه‌وه‌ی كه ئیحرامیان شكاند ئه‌و پیسیه‌ی كه پێیانه‌وه‌یه له قژو نینۆك درێژی و ئه‌و شتانه ئه‌توانن بیكه‌ن [ وَلْيُوفُوا نُذُورَهُمْ ] وه ئه‌وه‌ى نه‌زری كردبوو با نه‌زره‌كانیشیان جێبه‌جێ بكه‌ن [ وَلْيَطَّوَّفُوا بِالْبَيْتِ الْعَتِيقِ (٢٩) ] وه با ته‌واف بكه‌ن به ده‌وری ئه‌و ماڵه ئازادكراوه كه خوای گه‌وره ئازادی كردووه له‌وه‌ی كه هیچ زاڵمێك ده‌ستی به‌سه‌ردا بگرێت، یاخود له‌و ماڵه پیرۆزو به‌ڕێزه.