[ فَفَرَرْتُ مِنْكُمْ لَمَّا خِفْتُكُمْ ] بۆیه له ئێوه ڕامكرد بۆ (مه‌دیه‌ن) كاتێك كه لێتان ترسام تۆڵه‌ی خۆتان بسه‌نن [ فَوَهَبَ لِي رَبِّي حُكْمًا ] په‌روه‌ردگارم حوكم و پێغه‌مبه‌رایه‌تی پێ به‌خشیم [ وَجَعَلَنِي مِنَ الْمُرْسَلِينَ (٢١) ] وه منی كرد به یه‌كێك له پێغه‌مبه‌ران و نێردراوانی خۆی [ وَتِلْكَ نِعْمَةٌ تَمُنُّهَا عَلَيَّ ] وه ئه‌م نیعمه‌ته‌یش كه تۆ منه‌ت ئه‌كه‌ی به‌سه‌ر مندا كه منت به منداڵی گه‌وره كردووه.