[ إِنَّ الَّذِي فَرَضَ عَلَيْكَ الْقُرْآنَ ] به دڵنیایى ئه‌و خوایه‌ی كه ئه‌م قورئانه‌ی دابه‌زاندۆته سه‌رت وه كار كردن به حوكمه‌كانی و گه‌یاندنى به خه‌ڵكى فه‌رز كردووه له‌سه‌رت [ لَرَادُّكَ إِلَى مَعَادٍ ] تۆ ئه‌گه‌ڕێنێته‌وه بۆ كاتی دیاریكراو كه ڕۆژی قیامه‌ته، یاخود ئه‌تگه‌ڕێنێته‌وه بۆ مه‌ككه‌و سه‌رت ئه‌خات [ قُلْ رَبِّي أَعْلَمُ مَنْ جَاءَ بِالْهُدَى ] ئه‌ی محمد - صلی الله علیه وسلم - بڵێ: خوای گه‌وره زاناتره كه كێ هیدایه‌تی هێناوه [ وَمَنْ هُوَ فِي ضَلَالٍ مُبِينٍ (٨٥) ] وه كێیش له گومڕاییه‌كی ئاشكرادایه كه كافرانن.