[ وَإِذَا بُشِّرَ أَحَدُهُمْ بِمَا ضَرَبَ لِلرَّحْمَنِ مَثَلًا ظَلَّ وَجْهُهُ مُسْوَدًّا وَهُوَ كَظِيمٌ (١٧) ] وه كاتێك یه‌كێكیان موژده‌ی پێ بدرێ به‌وه‌ی كه خۆی وه‌كو نموونه بۆ خوای گه‌وره‌ی ئه‌هێنێته‌وه كه كچ ئه‌ده‌نه پاڵ خوای گه‌وره ئه‌گه‌ر خۆیان كچیان ببێ به درێژایی ڕۆژ ڕوویان ڕه‌ش هه‌ڵئه‌گه‌ڕێ له غه‌م و خه‌فه‌تدا له‌به‌ر ئه‌وه‌ی كچیان بووه، وه ئه‌و غه‌م و خه‌فه‌ته‌ی خۆیشیان ئه‌خۆنه‌وه‌و ده‌رینابڕن و پڕ ئه‌بن له غه‌م و خه‌فه‌ت.