[ ذَلِكَ بِأَنَّهُ كَانَتْ تَأْتِيهِمْ رُسُلُهُمْ بِالْبَيِّنَاتِ ] خوای گەورە لە دونیاو قیامەت سزایان ئەدات لەبەر ئەوەی پێغەمبەرانیان بە موعجیزەو بەڵگەی ڕوون و ئاشكراوە بۆیان هاتن [ فَقَالُوا أَبَشَرٌ يَهْدُونَنَا ] ئەوانیش ئەیانووت: ئایا مرۆڤ ببێ بە پێغەمبەرو هیدایەتی ئێمە بدات! [ فَكَفَرُوا وَتَوَلَّوْا ] بۆیە كوفریان كردو پشتیان هەڵكرد لە پێغەمبەرانیان [ وَاسْتَغْنَى اللَّهُ ] وە خوای گەورەش بێ پێویستە لە ئیمان هێنان و عیبادەتی ئەوان [ وَاللَّهُ غَنِيٌّ حَمِيدٌ (٦) ] وە خوای گەورە زۆر دەوڵەمەندو بێ پێویستە لە دروستكراوەكانی، وە خوای گەورە زۆر سوپاسكراوە لەلایەن هەموو دروستكراوەكانى .