Si Aayeeje Amen ɓannguɗe jippinaaɗe e nulaaɗo Amen on janngaama e sirkooɓe ɓen, ɓe wi'a: Oo gorko arduɗo e ɗee Aajeeye wonaali, si wanaa faalaaɗo yiltude on e ko baabiraaɓe mon wonunoo e mun. Ɓe wi'i: Ndee Alqur’aanaare wonaali, si wanaa fenaande fefindaande bakaa e Alla. Yedduɓe Alla ɓen wi'ani Alqur’aanaare nden, ɓaawo nde arde e maɓɓe immorde ka Alla: Ndee wonaali, si wanaa mbilewu ɓanngu ngu; tawde nde sennday gorko e gennda mun, ɓiɗɗo e baaba mun.