E ɓee fennooɓe Qurayshiyankooɓe yiilaaki ka leydi, ɓe taskoo ko honno battane adinooɓe ɓen wonirnoo? Ɓe annda ko battane bonɗe ɓe heɓunno, nde tawde Alla halkuno ɓe? E hoore le ɓen no ɓurnoo Qurayshi'en doole? Alla siforaali wonnde goɗɗum no laawoo Mo ka kammuuli maa ka leydi, tawde pellet, ko O Annduɗo kuuɗe ɓee fennooɓe, huunde e kuuɗe maɓɓe wirnanaaki Mo, kadi laawotaako Mo, Ko O Hattanɗo e halkugol ɓe, tuma kala O muuyi ɗum.