Woodaniina mon-onon goonɗinɓe- ñeemtinirgal moƴƴal e Ibraahiima-yo o his- e gonnɗinɓe wondunooɓe e makko, nde ɓe yimɓe mum heefereeɓe : komin hisɓe mon e ko ndewaton e sanamuuji ko wonah Alla, min njeddii ko ngonɗon ko e diine, feeñi hakkunde men gañndiral haa ngoonɗinon Alla gooto O, wotee ndenndinee Mbo e hay gooto, on potno hisnaade e yimɓe mon heefereeɓe hono mon, si wonah konngol Ibraahiima-yo o his- ngol o wiino baabiiko, ma mi yaafnano ma Alla, wote ñeemtinee mbo e ɗuum, sabu ɗum wonno ko adii nde Ibraahiima fiɓtato e baaba makko, alanah juulɗo nde o yaafnanato cirkuɗo, mi duñantaama e lepte Alla he hay huunde, joomi amen ko e Ma min tuugnoto, ko e Ma min nduttoto tuubɓe, ko e Ma woni ruttorde ñande darnga.