QUL

¹ اے نبیؐ ،  یاد کرو وہ موقع جب تم اس شخص سے کہہ رہے تھے جس پر اللہ نے اور تم نے احسان کیا تھا² کہ ’’اپنی بیوی کو نہ چھوڑ اور اللہ سے ڈر³ ‘‘۔ اُس وقت تم اپنے دل میں وہ بات چھپائے  ہوئے تھے جسے اللہ کھولنا چاہتا تھا، تم لوگوں سے ڈر رہے تھے ، حالانکہ اللہ اس کا زیادہ حقدار ہے کہ تم اس سے ڈرو⁴ پھر جب زیدؓ اس سے اپنی حاجت پوری کر چکا۔⁵ تو ہم نے اس (مطلقہ خاتون) کا تم سے نکاح کر دیا⁶ تاکہ مومنوں پر اپنے منہ بولے بیٹوں کی بیویوں کے معاملہ میں کوئی تنگی نہ رہے جبکہ وہ ان سے اپنی حاجت پوری کر چکے ہوں⁷ اور اللہ کا حکم تو عمل میں آنا ہی چاہئے تھا

(یاد کرو) جب کہ تو اس شخص سے کہہ رہا تھا جس پر اللہ نے بھی انعام کیا اور تو نے بھی کہ تو اپنی بیوی کو اپنے پاس رکھ اور اللہ سے ڈر اور تو اپنے دل میں وه بات چھپائے ہوئے تھا جسے اللہ ظاہر کرنے والا تھا اور تو لوگوں سے خوف کھاتا تھا، حالانکہ اللہ تعالیٰ اس کا زیاده حق دار تھا کہ تو اس سے ڈرے¹ ، پس جب کہ زید نے اس عورت سے اپنی غرض پوری کرلی² ہم نے اسے تیرے نکاح میں دے دیا³ تاکہ مسلمانوں پر اپنے لے پالکوں کی بیویوں کے بارے میں کسی طرح کی تنگی نہ رہے جب کہ وه اپنی غرض ان سے پوری کرلیں⁴، اللہ کا (یہ) حکم تو ہو کر ہی رہنے والا تھا.⁵