QUL

¹  اللہ نے تم کو مٹی سے پیدا کیا، پھر نطفہ سے² ، پھر تمہارے جوڑے بنا دیے(یعنی مرد اور عورت)۔ کوئی عورت حاملہ نہیں ہوتی اور نہ بچہ جنتی ہے مگر یہ سب کچھ اللہ کے علم میں ہوتا ہے۔ کوئی عمر پانے والا عمر نہیں پاتا اور نہ کسی کی عمر میں کچھ کمی ہوتی ہے مگر یہ سب کچھ ایک کتاب میں لکھا ہوتا ہے۔³ اللہ کے لیےیہ بہت آسان کام ہے۔⁴

لوگو! اللہ تعالیٰ نے تمہیں مٹی سے پھر نطفہ سے پیدا کیا ہے¹ ، پھر تمہیں جوڑے جوڑے (مرد وعورت) بنا دیا ہے، عورتوں کو حاملہ ہونا اور بچوں کا تولد ہونا سب اس کے علم سے ہی ہے²، اور جو بڑی عمر والا عمر دیا جائے اور جس کی عمر گھٹے وه سب کتاب میں لکھا ہوا ہے³۔ اللہ تعالیٰ پر یہ بات بالکل آسان ہے.