QUL

کیا وه کہتے ہیں کہ اسے تو اس نے خود گھڑ لیا¹ ہے آپ کہہ دیجئے! کہ اگر میں ہی اسے بنا ﻻیا ہوں تو تم میرے لئے اللہ کی طرف سے کسی چیز کا اختیار نہیں رکھتے²، تم اس (قرآن) کے بارے میں جو کچھ کہہ سن رہے ہو اسے اللہ خوب جانتا ہے³، میرے اور تمہارے درمیان گواہی کے لئے وہی کافی ہے⁴، اور وه بخشنے واﻻ مہربان ہے.⁵

کیا اُن کا کہنا یہ ہے کہ رسُول نے اِسے خود گھڑ لیا ہے؟¹ اِن سے کہو ”اگر میں نے اِسے خود گھڑ لیا ہے تو تم مجھے خدا کی پکڑ سے کچھ بھی نہ بچا سکو گے، جو باتیں تم بناتے ہواللہ ان کو خوب جانتا ہے، میرے اور تمہارے درمیان وہی گواہی دینے کے لیے کافی ہے،² اور وہ بڑا درگزر کرنے والا اور رحیم ہے۔“³