اوپر کی پوشاک انکی کپڑے ہیں باریک ریشم کے سبز اور گاڑھے1 اور انکو پہنائے جائیں گے کنگن چاندی کے2 اور پلائے اُنکو اُنکا رب شراب جو پاک کرے دل کو3
Footnotes
[1]جنّت کے لباس:یعنی باریک اور دبیز دونوں قسم کے ریشم کے لباس جنتیوں کو ملیں گے۔
[2]چاندی کے کنگن:اس سورت میں تین جگہ چاندی کے برتنوں اور زیور وغیرہ کا ذکر آیا ہے۔ دوسری جگہ سونے کے بیان کئے گئے ہیں۔ ممکن ہے یہ بھی ہوں اور وہ بھی، کسی کو یہ ملیں، کسی کو وہ۔ یا کبھی یہ کبھی وہ۔
[3]پروردگار کی طرف سے شراب طہور:یعنی سب نعمتوں کے بعد شراب طہور کا ایک جام محبوب حقیقی کی طرف سے ملے گا، جس میں نہ نجاست ہوگی نہ کدورت، نہ سرگرانی، نہ بدبو، اس کے پینے سے دل پاک اور پیٹ صاف ہوں گے، پینے کے بعد بدن سے پسینہ نکلے گا جس کی خوشبو مُشک کی طرح مہکنے والی ہوگی۔