Kannada Translation

Footnotes

• [1] ಇಬ್ನು ಅಬ್ಬಾಸ್‍ರವರ ವ್ಯಾಖ್ಯಾನ: ನಬಿಯವರೇ! ನಿಮ್ಮ ಪತ್ನಿಯರ ಪೈಕಿ ಬೇಕಾದವರನ್ನು ಉಳಿಸಿಕೊಳ್ಳುವ ಬೇಡವೆಂದರೆ ವಿಚ್ಛೇಧಿಸುವ ಅವಕಾಶ ನಿಮಗಿದೆ ಎಂದಾಗಿದೆ. ಇಮಾಮ್ ಮುಜಾಹಿದ್ ಹಾಗೂ ಇಮಾಮ್ ಳಹ್ಹಾಕ್‍ರವರ ವ್ಯಾಖ್ಯಾನ ಪ್ರಕಾರ ನಿಮ್ಮ ಪತ್ನಿಯರ ನಡುವೆ ಉದ್ದೇಶವಿದ್ದರೆ ಸಮಾನತೆಯನ್ನು ಪಾಲಿಸಬಹುದು, ಪಾಲಿಸದಿರಲೂ ಬಹುದು, ಕೆಲವರಿಗೆ ಕಡಿಮೆ ಸವಲತ್ತು ಕೊಡಬಹುದು, ಕೆಲವರಿಗೆ ಹೆಚ್ಚು ಕೊಡಬಹುದು ಎಂದಾಗಿ ರುತ್ತದೆ. ಬಹು ಪತ್ನಿಯರ ನಡುವೆ ಸಮಾನತೆ ಪಾಲಿಸಬೇಕು ಎಂಬ ನಿಯಮವನ್ನು ಅಲ್ಲಾಹನು ನಬಿಯವರಿಗೆ ಸಡಿಲಿಸಿ ವಿಶೇಷ ರಿಯಾಯಿತಿ ನೀಡಿರು ತ್ತಾನೆ ಎಂದು ಈ ವ್ಯಾಖ್ಯಾನದಿಂದ ತಿಳಿದುಬರುತ್ತದೆ. ಆದರೆ ಇದೊಂದು ಅನುಮತಿ ಮಾತ್ರವಾಗಿದ್ದು ನಬಿಯವರು ಅಸಮಾನತೆ ತೋರಿಲ್ಲ ಎನ್ನುವುದು ಬೇರೆ ವಿಷಯ. ಪ್ರವಾದಿಯವರಿಗೆ ಈ ಸ್ವಾತಂತ್ರ್ಯ ನೀಡಿದ್ದರಿಂದ ಪತ್ನಿಯರು ಸಹನೆಯೊಂದಿಗೆ ತೃಪ್ತರಾಗಬೇಕೇ ಹೊರತು ಹಕ್ಕುಗಳ ಬೇಡಿಕೆಯಿಟ್ಟು ಪೀಡಿಸಲು ಅಥವಾ ಆ ವಿಷಯದಲ್ಲಿ ತಕರಾರೆಬ್ಬಿಸಲು ದಾರಿಯಿರಲಿಲ್ಲ. ಪ್ರವಾದಿ ರ ಪ್ರವರ್ತಿಗಳೆಲ್ಲವೂ ಅಲ್ಲಾಹನ ಆದೇಶ ಪ್ರಕಾರವಾಗಿದ್ದುವು. ಇಬ್ನು ಜರೀರ್, ಇಬ್ನು ಕಸೀರ್ ಮುಂತಾದ ಪ್ರಧಾನ ವ್ಯಾಖ್ಯಾನಕಾರರು ಈ ಅಭಿಪ್ರಾಯವನ್ನು ಬಲಪಡಿಸಿದ್ದಾರೆ.