ಅವರು (ಮರ್ಯಮರ ಪುತ್ರ) ಲೋಕಾಂತ್ಯದ ಒಂದು ಅರಿವು (ಕುರುಹು) ಆಗಿದ್ದಾರೆ1. ಆದು ದರಿಂದ ನೀವು ಅದರ ಕುರಿತು ಸ್ವಲ್ಪವೂ ಸಂಶಯ ಪಡಬೇಡಿರಿ. ನನ್ನನ್ನು (ನನ್ನ ಮಾರ್ಗವನ್ನು) ಅನುಸರಿಸಿರಿ. ಇದು ನೇರ ಮಾರ್ಗವಾಗಿದೆ.
Footnotes
[1]
ಈಸಾ ನಬಿ ಯವರು ವಿಶ್ವದ ಅಂತ್ಯಕ್ಕೆ ಅರಿವು ಅಂದರೆ ಅವರ ಆಗಮನವು ಲೋಕಾಂತ್ಯದ ಲಕ್ಷಣ ಎಂದರ್ಥ. “ಲಇಲ್ಮುನ್” ಬದಲಿಗೆ “ಲಅಲಮುನ್” (ಚಿಹ್ನೆ) ಎಂಬ ಇಲ್ಲಿರುವ ಇನ್ನೊಂದು ಖಿರಾಅತ್ ಈ ಅರ್ಥಕ್ಕೆ ಇನ್ನಷ್ಟು ಬಲ ನೀಡುತ್ತದೆ. ಅಲ್ಲದೆ ಲೋಕಾಂತ್ಯಕ್ಕೆ ಮೊದಲು ಅವರು ಭೂಮಿಗೆ ಆಗಮಿಸುವವರು ಕೂಡಾ. ‘ವಅನ್ನಹೂ’ ಎಂಬುದರ ಸರ್ವನಾಮ ಈಸಾ ನಬಿಗೆ ಅಲ್ಲ, ಖುರ್‍ಆನಿಗೆ ಎಂಬ ಅಭಿಪ್ರಾಯ ದುರ್ಬಲವಾಗಿದೆ. ಏಕೆಂದರೆ 57ನೇ ಆಯತ್‍ನಿಂದ ಇದುವರೆಗೆ ಖುರ್‍ಆನಿನ ಪ್ರಸ್ತಾಪವೇ ಬಂದಿಲ್ಲ.