Bayanul Furqan(Koshur Quran)

۔اے لوٗکو یِمو ایمان چُھو اوٚ نمُت ، واریاہ گُمان کر نہٕ نِشہِ کٔرِ و پر ہیز، تِکیازِ کینٛہہ گُمان چِھ گنا ہ آسان۔﴿مُطلقاً چِھنہٕ گُمان کرنہٕ نِشہِ رُکا و نہٕ آمٕتۍ بلکہ چُھ واریاہ زیا دٕہ گُمان کر نس تہٕ پرٛتھ قسم کہ گُمانٕچ پیر وی کر نہٕ نِشہِ ٹھا کھ فر ما و نہٕ آمُت تہٕ اَمِیُک و جہ چُھ یہِ وَننہٕ آمُت زِ کینٛہہ گُمان چِھ گناہ آسان۔دراصل یُس گُمان گنا ہ چُھ سُہ یہِ زِ انسان کرِ کٲنٛسہِ شخصس سٍتۍ بِلا و جہ بد گُمٲنی، یا دوٚ یِمیٚن متعلق کرِ راے قٲیِم کرنس منٛز ہمیشہ بدگمٲنی سٍتۍ ابتدا یا تِتھین لُخن ہٕندِس معاملس منٛز ہیٚیہِ بدظنی کٲم یُہُنٛد ظاہر ونان آسہِ زِ تِم چِھ نیک تہٕ شر یف۔یِتھے پٲٹھۍ چھےٚ یہِ کتھ تہِ گنا ہ زِ کٲنٛسہِ شخصسہٕ سٕندِس کُنہِ قو لس یا فعلس منٛز آسہِ بُرٲیی تہٕ بھلٲیی ہُند یکساں احتمال تہٕ أسۍ کرو محض بد ظنی کٲم ہیٚتھ بُرٕ راے قٲیِم ۔﴾ تجسُس مَہ کٔرِو ۔ ﴿ یعنی لُکن ہٕندۍ راز مَہ ژھٲنڈِو ، اکھ أکۍ سٕندۍ عٲب مَہ کٔرِ و تلا ش۔دوٚ یِمیٚن ہٕندٮ۪ن حالاتن تہٕ معا ملاتن پتہٕ مَہ لٔگِو ۔لُکن ہٕندۍ ذٲتی خط پرٕ نۍ ،دۅ ن نفر ن ہٕنز ن کتھن کُن دِیُن ، ہمساین ہٕندٮ۪ن گھر ن تٕرٛ یَو مٔنزۍ وُچُھن تہٕ مختلف طر یقو با قین ہٕنزِ خا نگی زند گی یا تِہندٮ۪ن ذٲتی معا ملاتن پتہٕ لُکن ،یہِ سورُے چُھ اتھ تجسُّس منٛز شٲمِل ییٚمہِ نِشہِ ٹھا کھ چُھ آمُت فر ما و نہٕ۔﴾ تہٕ تۅہیہِ منٛزٕ گژِھنہٕ کانٛہہ کٲنٛسہِ ہٕنز غیبت کرُن۔﴿رسول اللہ علیہ وسلمن آو پٕرٛ ژھنہٕ زِ غیبت کتھ چِھ ونان تِمو صلی اللہ علیہ وسلم فر موو غیبت چھےٚ یہِ زِ ژٕ کر کھ پننِس بٲے سٕنز ذکر تِتھہٕ پٲٹھۍ یۅسہٕ تس نا گوار گژِھہ عر ض آو کر نہٕ زِ اگر میٲنِس بٲیِس منٛز سۅ کتھ لبنہٕ آسہِ یِوان یۅسہٕ بہٕ ونان چُھس تیٚلہِ کیا خیال چُھ اتھ صوٗرتس منٛز تُہُند صلی اللہ علیہ وسلم؟ فر ما و نہٕ آو اگر تس منٛز سۅ کتھ لبنہٕ آسہِ یِوان تیٚلہِ کٔرٕتھ ژےٚ تٔمۍ سٕنز غیبت ،تہٕ اگر تس منٛز سۅ ٲس نہٕ تیٚلہِ لگو وُتھ ژےٚ تس پٮ۪ٹھ بہتان۔ امہِ حُر مت نِشہِ چھےٚ مُچھہِ صرف تِمہٕ صوٗرتہٕ یِمن منٛز کٲنٛسہِ شخصس پٔتۍ کِنۍ یا تٔمۍ سٕندِ مر نہٕ پتہٕ تٔمۍ سٕنز بُرٲیی کر نٕچ کانٛہہ تِژھ ضرورت لا حق سپدِ یۅسہٕ شر یعت چَن نظر ن منٛز اکھ صحیح ضرورت آسہِ ، تہٕ سۅ ضرورت آسہِ نہٕ غیبت ورٲے پوٗرٕ ہیٚکان سپدِ تھ،تہٕ امہِ خٲطرٕ اگر غیبت یِیہِ نہٕ کر نہٕ ، تیٚلہِ آسہِ غیبت کہ بہ نسبت زیادٕہ بٔڈ بُرٲیی لٲزِم یِوان۔نبی صلی اللہ علیہ وسلمو چُھ یہِ مسلہٕ اصولاً یِتھہٕ پٲٹھۍ بیان فر مو و مُت زِ بد تر ین زیادتی چھےٚ کٲنٛسہِ مُسلمان سٕندِس عز تس پٮ۪ٹھ نا حق حملہٕ کرُن۔اتھ ارشادس منٛز چُھنا حق لفظُک قٲدیہِ ونان زِ حق کِس بِنا ہس پٮ۪ٹھ چُھ یہِ کرُن جٲیز۔ مثلاً ظٲلِمس خلا ف مظلو م سٕنز شکا یت پرٛتھ تس شخصس برونٛہہ کنہِ یس نِشہِ سُہ توقع آسہِ تھا وان زِ سُہ ہیٚکہِ ظُلم دفع کر نہٕ خٲطرٕ کینٛہہ کٔرِتھ۔اصلا ح کہ نیتہٕ کٲنٛسہِ شخصہٕ سٕنز یا کُنہِ گروہ چن بُرٲیِیَن ہٕنز ذکر تِتھیٚن لُکن برونٛہہ کنہِ یِمن نِشہِ یہِ اُمید آسہِ زِ تِم ہیٚکن یِمہٕ بُرٲیِیہِ دوٗر کر نہٕ خٲطرٕ کینٛہہ کٔرِتھ۔فتویٰ یا شر عی مسلہٕ کہ غر ضہٕ کٲنٛسہِ مفتی یس برونٛہہ کنہِ وا قعٕچ صوٗرت بیان کرٕنۍ یتھ منٛز کٲنٛسہِ شخصہٕ سٕنزِ غلط کامہِ ہٕنز ذکر یِیہِ۔ لُکھ کٲنٛسہِ شخصہٕ سٕندِ یا واریاہن شخصن ہٕندِ شرٕ نِشہِ با خبر کرٕنۍ تا کہ تِم ہیٚکن تِہندِ نقصان نِشہِ بٔچِتھ۔تِتھیٚن لُکن خلا ف علی الا علا ن آواز بُلند کرٕنۍ تہٕ تِہٕنز ن بُرٲیین پٮ۪ٹھ تنقید کرُن یِم فسق و فجور آسن پٔھہلاوان، یا آسن بد عا تن تہٕ گُمرٲہِیَن ہٕنز اشا عت کران، یا آسن خلقِ خُدایس بے دینی تہٕ ظُلم و جبر کیٚن فتِنن منٛز مبتلا کران۔﴾ کیا تۅہیہِ منٛز چھا کانٛہہ تِیُتھ یُس پننِس موٗدِمٕتِس بٲے سُند ماز کھیوٚن پسند کرِ؟﴿غیبتس چُھ موٗدِمٕتس بٲے سٕندِ س ماز س سٍتۍ امہِ موجوٗب ہِشَر دِنہٕ آمُت زِ ییٚمۍ سٕنز غیبت کر نہٕ چھےٚ یِوان روزان،سُہ بِچو ر چُھ با لکل بے خبر آسان زِ کُس کتہِ نَس چُھ تٔمۍ سٕندِس عز تس پٮ۪ٹھ حملہٕ کران۔﴾ وُچِھو،تۅہیہِ چَھوپانہٕ امہِ نِشہِ یگہٕ یِوان﴿ من پھیُر لگان﴾۔ خُدایس کھوٚژِو،خُداے چُھ بوٚڈ تو بہٕ قبو ل کر ن وول تہٕ رحیم۔