[ فَأَشَارَتْ إِلَيْهِ ] مه‌ریه‌میش ئاماژه‌ی بۆ عیسا كرد كه له باوه‌شیدا بوو تازه له دایك بووه [ قَالُوا كَيْفَ نُكَلِّمُ مَنْ كَانَ فِي الْمَهْدِ صَبِيًّا (٢٩) ] وتیان: چۆن قسه له‌گه‌ڵ منداڵێكدا بكه‌ین كه منداڵه‌و تازه له دایك بووه‌و له‌ناو بێشكه‌دایه [ قَالَ إِنِّي عَبْدُ اللَّهِ ] به ئیزنی خوای گه‌وره عیسا - صلى الله عليه وسلم - هاته قسه‌و یه‌كه‌م قسه كه كردى وتی: من عه‌بدو به‌نده‌ی خوای گه‌وره‌م ( ئه‌مه ڕه‌ده بۆ سه‌ر گاوره‌كان كه من كوڕی خوا نیم به‌ڵكو عه‌بدی خوام).