[ وَلَقَدْ كَانُوا عَاهَدُوا اللَّهَ مِنْ قَبْلُ لَا يُوَلُّونَ الْأَدْبَارَ ] وه ئه‌م مونافیقانه پێشتر به‌ڵێنیان به‌خوای گه‌وره‌دا كه ئه‌مان جارێكی تر پشت هه‌ڵنه‌كه‌ن، له جه‌نگی به‌در كه دواكه‌وتن بینیان موسڵمان سه‌ركه‌وتن و غه‌نیمه‌یان ده‌ست كه‌وت به‌ڵێنیاندا جارێكى تر دوانه‌كه‌ون [ وَكَانَ عَهْدُ اللَّهِ مَسْئُولًا (١٥) ] به‌ڵام هه‌ر كه‌سێك به‌ڵێن به خوای گه‌وره بدات خوای گه‌وره له‌و عه‌هدو به‌ڵێن و په‌یمانه لێی ئه‌پرسێته‌وه كه ئه‌گه‌ر جێبه‌جێی نه‌كات.