[ وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا ] وه ئه‌و كافرانه‌یشى كه هاتنه مه‌دینه خوای گه‌وره گه‌ڕاندیانیه‌وه به ڕق و كینه‌ی خۆیانه‌وه وه هیچ خێرێكیان ده‌ست نه‌كه‌وت [ وَكَفَى اللَّهُ الْمُؤْمِنِينَ الْقِتَالَ ] وه خوای گه‌وره‌ش باوه‌ڕدارانی پاراست له كوشتار كردن به‌ڵكو ته‌نها با و فریشته‌ی بۆ ناردن، (ئه‌مه‌یش ئاماژه‌یه بۆ ئه‌وه‌ى كه چیتر قوڕه‌یش ناتوانن بده‌ن به‌سه‌رتانداو ئێوه ده‌ده‌ن به‌سه‌ریانداو دواتر فه‌تحى مه‌ككه‌یان كرد) [ وَكَانَ اللَّهُ قَوِيًّا عَزِيزًا (٢٥) ] وه خوای گه‌وره زۆر به‌هێزو به‌عیززه‌ت و باڵاده‌سته.